上個月食環署將好多大口垃圾桶換咗細口，好多環保團體同市民都批評咁樣做有反效果。阿嘆睇吓啲報導、做咗少少功課，發現有清潔工話好多市民因為垃圾桶口太細，令佢哋將垃圾扔喺側邊，反而仲多咗垃圾喺街邊，加重佢哋工作量！綠惜地球環境倡議總監朱漢強接受報紙訪問時話，自從2003年推行咗亂拋垃圾罰款之後，其實亂拋垃圾情況已經好咗好多。所以阿嘆覺得，會唔會加強執法同公民教育，仲好過將圾桶大口換細口呢？

資料來源：http://bit.ly/292jsd3